Дўстматов билан. Astana Arlans жамоасига қарши рўйхат маълум бўлди

  • 27 март 2017, 19:08
  • 3 986
  • Спорт
  • Дўстматов билан. Astana Arlans жамоасига қарши рўйхат маълум бўлди
    Бутунжаҳон бокс серияси (WSB)нинг VII мавсум «C» гуруҳи 5-турида Ўзбекистоннинг Uzbek Tigers жамоаси Тошкентда Қозоғистоннинг Astana Arlans жамоаси боксчиларига қарши жавоб учрашувини ўтказади, деб ёзади Кун.уз нашри.

    Тошкентдаги «Ўзбекистон» спорт мажмуасида 1 апрель куни ўтказиладиган учрашувда Uzbek Tigers ва Astana Arlans жамоалари қандай таркибда иштирок этишини маълум қилинди. Ўзбекистонлик боксчилар таркиби қуйидагича:

    -49 килограмм: Ҳасанбой Дўстматов (Рио–2016 Олимпия ўйинлари чемпиони);

    -56 килограмм: Абдулҳай Шораҳматов (Ўзбекистон чемпиони);

    -64 килогамм: Элнур Абдураимов (Жаҳон чемпионати совриндори);

    -75 килограмм: Исроил Мадримов (Осиё ўйинлари кумуш медаль совриндори);

    +91 килограмм: Зуҳриддин Маҳкамов (Ўзбекистон чемпиони).

    Astana Arlans ҳам ушбу учрашувга энг кучли боксчиларини жалб этган:

    -49 килограмм: Темиртас Жусупов (Осиё чемпиони)

    -56 килограмм: Илёс Сулейменов (Осиё ўйинлари ғолиби)

    -64 килограмм: (Дилмурод Мижитов) Қозоғистон чемпионати совриндори

    -75 килограмм: Сапарбай Айдаров (Қозоғистон чемпиони)

    +91 килограмм: Антон Пинчук (Осиё чемпиони ва Осиё ўйинлари ғолиби)

    Uzbek Tigers WSB доирасида шу вақтгача 4 марта жанг ўтказди. Ўзбекистон вакиллари аввалига Хитойда China Dragons жамоасидан 2:3 ҳисобида енгилганди, кейинги турда Қозоғистонда Astana Arlans жамоасига 1:4 ҳисобида имконият бой берилди. Тошкентда бўлиб ўтган 3-тур баҳсида Uzbek Tigers Россиянинг Patriot Boxing Team жамоасини 5:0 ҳисобида таслим қилди. 4-турда эса Ўзбекистон жамоаси China Dragons жамоасини 5:0 ҳисобида мағлуб этди ва сафардаги мағлубият учун қасос олди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Дўстматов билан. Astana Arlans жамоасига қарши рўйхат маълум бўлди