"Реал Мадрид" Нико Шлоттербек трансферидан воз кечди
"Реал Мадрид" Нико Шлоттербек трансфери бўйича пойгадан чиқди. Бунга "Боруссия Дортмунд"нинг 26 ёшли марказий ҳимоячига даромадли янги шартнома таклиф қилгани сабаб бўлди. Футболчи яқин келажакда клуб билан узоқ муддатли битим имзолаши кутилмоқда. Шлоттербекка "Бавария Мюнхен" ва "Ливерпул" ҳам қизиқиш билдирган, унинг бозор қиймати 55 миллион еврога баҳоланмоқда.
"Реал Мадрид" германиялик ҳимоячи Нико Шлоттербекни ўз сафига қўшиб олиш фикридан расман қайтишга қарор қилди. Испания гранди футболчини узоқ вақт давомида кузатиб келган, бироқ яқинда трансфер пойгасидан чиқди.
Sky Sport хабарларига кўра, "Боруссия Дортмунд" 26 ёшли марказий ҳимоячига жуда даромадли янги шартнома таклиф қилган. Футболчи яқин келажакда клуб билан узоқ муддатли битим имзолаши кутилмоқда. "Реал Мадрид" раҳбарияти бу қарордан хабардор қилинган ва шундан сўнг ўз қизиқишини тўхтатган.
Натижада, Мадрид клуби энди ўз таркибини кучайтириш учун бошқа ҳимоячи номзодларга эътибор қаратишига тўғри келади.
Нико Шлоттербекка бошқа Европа грандлари, жумладан "Бавария Мюнхен" ва "Ливерпуль" ҳам жиддий қизиқиш билдирган эди. Transfermarkt маълумотларига кўра, германиялик ҳимоячининг бозор қиймати ҳозирда 55 миллион еврога баҳоланмоқда ва унинг амалдаги шартномаси 2027 йилгача мўлжалланган.
Изоҳлар 0
…