Uzbek Tigers бош мураббийи WSB финалида ҳам Astana Arlans билан жанг қилмоқчи

  • 01 апрель 2017, 13:42
  • 4 027
  • Спорт
  • Uzbek Tigers бош мураббийи WSB финалида ҳам Astana Arlans билан жанг қилмоқчи
    Бугун бўлиб ўтадиган Uzbek Tigers ва Astana Arlans ўртасидаги тўқнашувдан бир кун олдин матбуот анжумани ташкил этилди. Унда мезбонлар бош мураббийи Тўлқин Қиличев қозоғистонлик рақибларга қарши тайёргарлик кўнгилдагидек ўтганини таъкидлади, деб ёзади «Дарё» нашри.

    Ўйлайманки, эртага йигитлар ўзларининг энг зўр жангини ўтказади, тайёргарлик кўнгилдагидек кечди. Насиб қилса, жангларда ғолиб чиқиб, мухлисларимизни хурсанд қила оламиз.

    Тўлқин Қиличев, Uzbek Tigers бош мураббийи

    Ўзбекистонлик мутахассиснинг фикрига кўра, Astana Arlans учун қолганларидан фарқ қиладиган даражада тайёргарлик кўрилмаган.

    Биз барча рақибларга қарши жанг олдидан тайёргарлик қиламиз. Барчаси режа асосида кечади. Қайсидир рақиб учун алоҳида куч билан тайёрланмаймиз.

    Тўлқин Қиличев, Uzbek Tigers бош мураббийи

    Маълумот учун, Uzbek Tigers WSB’даги илк уринишида ярим финалга қадар етиб борган бўлиб, Тошкент мезбонлик қилган финал жангларида иштирок эта олмаганди.

    Финалда ҳам Astana Arlans билан учрашишни истайманми? Албатта! Бунга қарши эмасман. Балки, мавсум охирида финал жангини шу ерда ўтказиб, ҳудди шу инсонлар иштирокида матбуот анжумани қилармиз.

    Тўлқин Қиличев, Uzbek Tigers бош мураббийи

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Uzbek Tigers бош мураббийи WSB финалида ҳам Astana Arlans билан жанг қилмоқчи