Чемпионлар лигаси қизғин палласи: бугун икки жавоб учрашуви кутилмоқда
Европа Чемпионлар лигаси чорак финалида бугун иккита ҳал қилувчи жавоб учрашувлари бўлиб ўтади. “Бавария” ва “Арсенал” жамоалари илк баҳсларда кичик устунлик қозониб, ярим финал йўлланмаси учун курашадилар. Мюнхенликлар “Реал Мадрид”ни, лондонликлар эса “Спортинг”ни қабул қилади. Ҳар икки учрашув Тошкент вақти билан соат 00:00 да бошланади.
Европа клуб футболида энг нуфузли мусобақалардан бири — Европа Чемпионлар лигаси чорак финал босқичининг жавоб учрашувлари давом этмоқда. Бугун ушбу ҳал қилувчи босқич доирасида икки муҳим тўқнашув бўлиб ўтади.
Аввалги учрашувда устунликка эга бўлган “Бавария” ўз майдонида “Реал Мадрид”ни қабул қилади. Мюнхенликлар илк ўйинда 2:1 ҳисобида ғалаба қозониб, жавоб баҳси олдидан кичик устунликка эга бўлиб турибди. Қарши учрашув Тошкент вақти билан соат 00:00 да старт олади.
Шу билан бир вақтда иккинчи жуфтликда “Арсенал” ҳамда “Спортинг” жамоалари ҳам ўзаро куч синашади. Биринчи ўйинда Микель Артета бошчилигидаги лондонликлар 1:0 ҳисобида ғалаба қозонгани уларга кичик афзаллик беради.
Энди эса барча нигоҳлар ҳал қилувчи учрашувларга қаратилган. Ҳар икки беллашув ҳам юқори даражадаги интрига, кучли кураш ва кутилмаган бурилишларга бой бўлиши кутилмоқда. Жамоаларни ярим финал йўлланмаси учун кескин ва шиддатли жанг кутиб турибди.
Изоҳлар 0
…