“Манчестер Сити” яримҳимоячиси Нико Гонсалес Англия Премьер-лигасидаги чемпионлик учун кураш ҳақида ўз фикрларини билдирди.
Унинг таъкидлашича, мавсум бошида жамоага охирги беш тур қолганда ҳам чемпионлик учун курашиш имкони бўлишини айтилса, футболчилар бунга мамнунлик билан рози бўлишган бўларди. Ҳозир эса жамоа бу мақсадга жуда яқин келган:
"Агар мавсум бошида бизга сўнгги 5 тур қолганида чемпионлик учун курашамиз деса, рози бўлардик. Ҳозир жуда яқинмиз", — деди Гонсалес.
Шу билан бирга, футболчи ҳар бир ўйинга алоҳида эътибор қаратиш кераклигини таъкидлади. Унинг сўзларига кўра, энг муҳим вазифа — кейинги рақиб “Бёрнли”га қарши ўйинга тайёргарлик кўриш ва босқичма-босқич олға силжиш:
"Ҳамма эътиборни «Бёрнли»га қаратишимиз керак. Мақсад сари босқичма-босқич бориш зарур", — деди футболчи.
Гонсалес жамоанинг умумий ҳолатидан қониқиш билдириб, чемпионлик пойгаси жуда қизиқ кечаётганини айтди. У икки жамоа имкониятларини деярли тенг, яъни 50 га 50 деб баҳолади:
“Ўйлайманки, имкониятлар 50 га 50. Охиригача жуда қизиқ беллашув бўлади. Мен жамоамизга тўлиқ ишонаман”, — деди футболчи City Xtra нашрига.
Маълумот учун, “Манчестер Сити” агар “Бёрнли”ни мағлуб этса, очколар бўйича “Арсенал”га етиб олади. Аввалги турда эса “шаҳарликлар” лондонликларни 2:1 ҳисобида енгган эди.
