Рашфорд «Барселона»да қолиш учун маоши камайишига рози бўлди
Маркус Рашфорд «Барселона»да қолиш учун маошининг камайишига рози бўлди ва «Манчестер Юнайтед»га қайтиш нияти йўқлигини билдирди. Ҳозирда ижарада ўйнаётган ҳужумчи Ханс-Дитер Флик қўл остида ажойиб спорт формасига кириб, жорий мавсумда 13 та гол уришга муваффақ бўлди. Каталония клуби футболчини сотиб олишни режалаштирмоқда, бироқ молиявий чекловлар трансфер жараёнини қийинлаштириши мумкин. Рашфорднинг ўзи эса жамоа лойиҳасига тўлиқ содиқ бўлиб, «кўк-анорранглилар» билан Ла Лига чемпионлигини қўлга киритишни мақсад қилган.
Англия терма жамоаси ҳужумчиси Маркус Рашфорд «Барселона» таркибида доимий қолиш учун молиявий шартларини пасайтиришга тайёрлигини билдирди. Ҳозирда ижара асосида Испанияда тўп сураётган футболчи «Манчестер Юнайтед»га қайтиш ниятида эмас. Бу ҳақда Goal.com хабар беради.
Ханс-Дитер Флик қўл остида Рашфорд ўзининг энг яхши спорт формасини тиклаб олди. Жорий мавсумда у каталонияликлар сафида ҳар 92 дақиқада битта самарали ҳаракатни амалга оширмоқда.
Унинг «Хетафе»га қарши ўйиндаги голи мавсумдаги 13-тўпи бўлди.
«Барселона» раҳбарияти футболчининг трансферини сотиб олиш масаласини кўриб чиқмоқда, бироқ клубнинг молиявий чекловлари бу жараённи мураккаблаштириши мумкин. Рашфорднинг ўзи эса Каталониядаги лойиҳага тўлиқ содиқлигини ва трансфер якунланишини сабр билан кутишини маълум қилган.
Ҳозирда «Манчестер Юнайтед»ни бошқараётган Майкл Кэррик ҳужумчининг келажаги борасида расмий баёнот бермади. Шунга қарамай, футболчининг ўзи «Барселона» билан Ла Лига чемпионлигини қўлга киритишни ва жамоада узоқ муддат қолишни мақсад қилган.
Изоҳлар 0
…