Англия Премьер-лигаси тарихидаги энг омадсиз мураббийлар рўйхати шакллантирилди. Ушбу рўйхатдан нафақат паст натижа қайд этган, балки кутилмаларни мутлақо оқлай олмаган мутахассислар жой олди. Бу ҳақда Goal.com хабар беради.
Хусусан, «Манчестер Юнайтед» собиқ устози Дэвид Мойес ушбу рўйхатнинг юқори поғоналаридан бирини банд этди.
Мойес Алекс Фергюсоннинг вориси сифатида чемпион жамоани қабул қилиб олган эди. Бироқ у «Манчестер Юнайтед» фалсафасини сақлаб қола олмади ва клубнинг узоқ йиллик инқирозига пойдевор қўйди.
Нашрнинг қайд этишича, айнан Мойес давридан бошлаб жамоада муваффақиятсизликлар серияси бошланган.
Тажрибали Рой Ходжсоннинг «Уотфорд»даги фаолияти ҳам кескин танқидга учради. У жамоани лигада олиб қолиши керак эди, бироқ вазиятни янада оғирлаштирди.
Ходжсон нафақат натижа кўрсата олмади, балки мухлислар билан муносабатларни ҳам ёмонлаштириб, бирорта уй ғалабасини қўлга киритмасдан истеъфога чиқарилди.
«Челси»да қисқа муддат ишлаган Лиам Росениор ҳам антирейтингга кирди. У «Халл Сити»дан ҳайдалганидан сўнг кутилмаганда Лондон клубига тайинланган эди.
Росениор бешта ўйинда кетма-кет гол ура олмай мағлуб бўлгач, уч ярим ойдан сўнг ўз лавозимидан маҳрум бўлди.
Шунингдек, Пол Жуеллнинг «Дерби Каунти»даги фаолияти ҳам энг ёмонлар қаторида санаб ўтилди. У жамоани қабул қилиб олгач, бирорта ҳам ғалаба қозона олмади.
Натижада клуб рекорд даражадаги энг паст — 11 очко билан лигани тарк этишга мажбур бўлган.
“Zamin”ни Telegram'да ўқинг!
