"Бавария" ҳужумчиси Харри Кане Мюнхен клубидаги фаолияти давомида дунёнинг энг яхши марказий ҳужумчиси эканлигини исботламоқда. 32 ёшли футболчи жорий мавсумда ўз фаолиятидаги энг яхши натижаларни қайд этиб, Европа Чемпионлар лигаси ярим финалида ПСЖга қарши баҳс олдидан асосий кучга айланди. Бу ҳақда Goal.com хабар беради.
Англия терма жамоаси сардори Германия чемпионатида 31 ўйинда 33 та гол уришга эришди. У Бундеслигада 95 та гол маррасини энг тез забт этган футболчи сифатида тарихга кирди.
Кане барча мусобақаларда 51 та гол уриб, Европанинг кучли бешлик лигаларида Роберт Левандовскидан кейинги энг юқори кўрсаткични қайд этди.
Ҳозирда Кане Европа "Олтин бутса"си учун пойгада Эрлинг Холанд ва Килиан Мбаппедан 9 та голга ўзиб кетган. Жамоа бош мураббийи Винсент Компани ҳужумчининг барқарорлигини юқори баҳолаб, уни жамоанинг ҳақиқий етакчиси ва ёшлар учун намуна деб атади.
Кане Чемпионлар лигасидаги самарадорлиги бўйича Лионель Мессининг кўрсаткичларига тенглашиб олди. У турнирдаги 68 та ўйинда 52 та гол уришга муваффақ бўлди.
Мюнхен клуби раҳбарияти футболчининг келажаги борасидаги миш-мишларга қарамай, у билан шартномани узайтириш бўйича музокаралар ўтказишни режалаштирмоқда.
“Zamin”ни Telegram'да ўқинг!
