Европа футболидаги энг шиддатли қарама-қаршиликлардан бири яна бир бор тарихга кирди. УЕФА Чемпионлар лигаси яримфиналининг илк учрашувида "Бавария" рақиб майдонида ПСЖга 4:5 ҳисобида мағлуб бўлди.
Ушбу баҳсда эътибор марказидаги фигуралардан бири — мюнхенликлар дарвозабони Мануэл Нойер бўлди. Таҗрибали голкипер ушбу ўйинда ўз дарвозаси томон аниқ йўналтирилган барча зарбаларни ўтказиб юборди. Парижликлар томонидан амалга оширилган 5 та аниқ зарбанинг бирортаси ҳам қайтарилмади — Нойер бу сафар бирорта сэйв амалга ошира олмади.
Opta Sports маълумотига кўра, Чемпионлар лигаси плей-офф босқичида бундай нохуш статистика сўнгги бор 2000 йилда қайд этилган. Ўшанда "Челси" дарвозабони Эд де Гуй ҳам "Барселона"га қарши учрашувда 5 та аниқ зарбанинг барчасини ўтказиб юборган ва бирорта ҳам сейв қилолмаган эди.
Албатта, бу ҳолат Нойер даражасидаги дарвозабон учун кам учрайдиган вазият ҳисобланади. Бироқ футболда баъзан энг тажрибали футболчилар ҳам қийин кечаларни бошдан кечириши мумкин.
Эслатиб ўтамиз, жавоб учрашуви 6 май куни Мюнхенда бўлиб ўтади. Ушбу ҳал қилувчи баҳсда “Бавария” ҳисобни ўзгартириш ва финалга чиқиш учун барча имкониятларини ишга солиши кутилмоқда.
Ғолиб эса финалда "Арсенал" — "Атлетико" жуфтлиги ғолиби билан куч синашади.
Қисқаси, Нойер учун бу ўйин оғир кечди, аммо олдинда ҳали барчасини тузатиш имконияти бор. Энди асосий савол — Мюнхендаги жавоб баҳсида қандай сценарийни кўрамиз?
“Zamin”ни Telegram'да ўқинг!
