Германиялик ҳимоячи Никлас Сюле профессионал футболчилик фаолиятини якунлаётганини маълум қилди. Боруссия Боруссия Дортмунд билан шартномаси мавсум якунида тугайдиган футболчи "Спиелмачер" подкастида ўзининг 13 йиллик фаолияти, жамоалардаги ўрни ва ўзига хос характери ҳақида очиқ гапирди. Бу ҳақда Goal.com хабар беради.
Сюле ўзини ҳеч қачон бошқаларга ўхшатишга уринмаганини таъкидлади. У Боруссия Дортмундда сардорлик боғичини тақиб юрган бўлса-да, майдонда бақириб-чақирадиган сардор эмаслигини, Бавария сафида эса бу вазифани бошқалар бажаргани учун ўзини қулай ҳис қилганини айтди. Футболчи ўз принципларига содиқ қолганидан фахрланишини билдирди.
Интервю якунида кутилмаган ҳолат юз берди: Никлас Сюле суҳбатни тўхтатиб, ён хонадан МкДоналдъс пакетини олиб келди. У оч қолганини айтиб, журналист Себастиан Ҳеллманн билан бирга гамбургер ейишни бошлади. Бу ҳолат суҳбатдошларни кулгига чорлади.
Сюле фаолияти давомида вазн билан боғлиқ муаммоларга дуч келганини ҳам яширмади. Бавария сафида ўйнаган даврида у вазн ўлчашдан олдин ортиқча килограммдан қутулиш учун саунада ёмғирпўшда ўтириб тер тўкканини тан олди. У спортдаги муваффақиятларидан кўра, инсонийлик сифатларини сақлаб қолганини устун қўйишини таъкидлади.
“Zamin”ни Telegram'да ўқинг!
