Манчестер Сити афсонаси Сергио Агуеро ўз ватандоши Хулиан Альвареснинг ёзги трансфер ойнасида Барселона сафига ўтиши мумкинлигини тахмин қилди. Собиқ ҳужумчи Атлетико Мадрид юлдузи Каталония клубида Роберт Левандовски ўрнини босиш учун зарур бўлган тактик ақлни ва ҳимоядаги меҳнатсеварликни ўзида мужассам этган деб ҳисоблайди. Бу ҳақда Goal.com хабар беради.
Альварес айни дамда Европанинг етакчи клублари, жумладан Арсенал эътиборида турибди. Бироқ, Барселона раҳбарияти шартномаси якунланиб бораётган Левандовски ўрнига айнан аргентиналик ҳужумчини асосий номзод сифатида кўрмоқда. Агуеро ўз интервюсида Жулианнинг ҳар қандай жамоа учун фойдали харид бўлишини таъкидлади.
Агуеро ҳужумчининг нафақат голлар уриши, балки ҳимоядаги фаоллиги билан ҳам ажралиб туришини алоҳида қайд этди. Унинг сўзларига кўра, Альварес замонавий ҳужумчиларда кам учрайдиган фидойиликка эга ва Барселона ўйин услубига мукаммал мос тушади.
Ҳозирги кунда Атлетико сафида 106 та ўйинда 49 та гол ва 17 та голли узатмага муаллифлик қилган Альвареснинг трансфери Барселона учун молиявий жиҳатдан мураккаб бўлиши мумкин. Диего Симеоне ўз етакчисини қўйиб юбориши учун клуб камида 100 миллион евродан ортиқ маблағ таклиф қилиши талаб этилади.
“Zamin”ни Telegram'да ўқинг!
