Мюнхеннинг Бавария клуби таркибни кучайтириш мақсадида Нюкасл Юнайтед ҳужумчиси Уилям Осулани кузатув остига олди. Даилй Маил хабарига кўра, немис гранди 22 ёшли даниялик футболчини Гарри Кейн учун захира варианти сифатида кўрмоқда. Ҳозирда жамоада бу вазифани бажараётган Николас Жексон мавсум якунида Челси клубига қайтиши кутилмоқда. Бу ҳақда Goal.com хабар беради.
Осула жисмоний жиҳатдан бақувват ва тезкор ҳужумчи бўлиб, у жорий мавсумда 32 та ўйинда майдонга тушиб, 7 та гол уришга муваффақ бўлди. Гарчи у Нюкасл Юнайтед сафида доимий ўйин амалиётига эга бўлмаса-да, сўнгги ўйинлардаги самарали ҳаракатлари Бавария скаутларининг эътиборини тортди. Унга шунингдек, Баер Леверкузен, Эвертон ва Кристал Пелас клублари ҳам қизиқиш билдирмоқда.
Футболчининг трансфер қиймати 46 миллион евро атрофида баҳоланмоқда, чунки Нюкасл Юнайтед молиявий қоидаларга риоя қилиш учун маблағ тўплаши керак. Аввалроқ Осула Эинтрачт Франкфурт жамоаси билан келишувга эришган бўлса-да, трансфер амалга ошмай қолганди. Агар Бавария анъанавий марказий ҳужумчи қидираётган бўлса, Ювентус билан шартномаси якунланаётган Дусан Влаҳович ҳам арзонроқ вариант сифатида кўриб чиқилмоқда.
“Zamin”ни Telegram'да ўқинг!
