Мюнхеннинг Бавария клуби ёзги трансфер ойнасида таркибни кучайтириш мақсадида Энтони Гордон билан шахсий шартнома бўйича келишувга эришди. Нуфузли журналист Бен Джейкобснинг хабар беришича, 25 ёшли инглиз футболчиси Германия рекордчиси сафига ўтишга розилик билдирган. Бу ҳақда Goal.com хабар беради.
Ҳозирги вақтда асосий муаммо трансфер нархида қолмоқда. Нюкасл Юнайтед футболчи учун 80 миллион фунт стерлинг (тахминан 92 миллион евро) талаб қилмоқда, бироқ Бавария бундай катта маблағ сарфлашни режалаштирмаяпти. Мюнхен клуби раҳбарияти сўнгги йилларда молиявий тежамкорлик сиёсатини олиб бормоқда.
Sport директори Макс Эберл ва Кристоф Фройнд таркибни фақат зарур позициялар бўйича кучайтириш вазифасини олган. Шунга қарамай, клуб президенти Ули Хёнес ушбу трансферни қўллаб-қувватламоқда ва томонлар нархни пасайтириш бўйича музокараларни давом эттирмоқда.
Энтони Гордон учун Мюнхен жамоасига ўтиш янги чақириқ сифатида қаралмоқда. Айниқса, Майкл Олисенинг Англия Премер-лигасидан Баварияга ўтиб, тез фурсатда юқори савиядаги ўйин кўрсатиши футболчида катта қизиқиш уйғотган. Шунингдек, Гарри Кейн ҳам ўз ватандошини Германия чемпионатига ўтишга кўндириш учун ҳаракат қилмоқда.
“Zamin”ни Telegram'да ўқинг!
