Бавария клуби Нюкасл Юнайтед вингери Энтони Гордон билан шахсий шартлар бўйича келишувга эришди. Германия гранди футболчини ўз сафига қўшиб олишни ёзги трансфер ойнасидаги асосий мақсад деб билмоқда ва музокараларни бошлаб юборди. Бу ҳақда Goal.com хабар беради.
Бироқ, Нюкасл Юнайтед ўз етакчи ҳужумчиси учун 75 миллион фунт стерлинг талаб қилмоқда. Бавария раҳбарияти эса бу нархни ҳаддан ташқари юқори деб ҳисоблаб, уни 50 миллион фунт атрофида камайтиришга ҳаракат қилмоқда.
Энтони Гордоннинг ўзи ҳам Мюнхенга кўчиб ўтишга қизиқиш билдирмоқда. Немис клуби футболчининг клубни тарк этиш истагидан фойдаланиб, Англия Премер-лигаси вакили билан келишувга эришишни режалаштирмоқда.
Ҳозирча Бавария музокараларда ўз позициясини мустаҳкамламоқда. Агар томонлар келиша олмаса, Англиянинг бошқа йирик клублари ҳам ушбу иқтидорли вингер учун курашга киришиши мумкин.
“Zamin”ни Telegram'да ўқинг!
