Манчестер Сити бош мураббийи Пеп Гуардиола Фил Фоден билан янги шартнома борасида музокаралар якуний босқичга етганини тасдиқлади. Англия терма жамоаси ярим ҳимоячиси клуб билан 2030-йилга қадар мўлжалланган янги битимни имзолаши кутилмоқда. Бу ҳақда Goal.com хабар беради.
Шунингдек, клуб Жоско Гвардиол билан ҳам ҳамкорликни узайтириш ниятида. Хорватиялик ҳимоячи жароҳатидан фориғ бўлиб, машғулотларга қайтди. Гуардиола унинг универсал ўйинчи эканлигини таъкидлаб, унинг жамоада қолишини исташини билдирди.
Мураббий музокаралар ижобий руҳда ўтаётганини, бироқ ҳали расмий ҳужжатлар имзоланмаганини қайд этди. "Спорт директори билан гаплашдим, Фоден билан келишувга жуда яқинмиз. Умид қиламанки, барчаси ижобий якунланади", - деди каталониялик мутахассис.
Гвардиол ўтган мавсумда Манчестер Сити учун муҳим ўйинчи бўлган эди. Пеп Гуардиола унинг сафга қайтиши жамоа учун мавсумнинг ҳал қилувчи палласида катта ёрдам беришига ишонч билдирмоқда.
“Zamin”ни Telegram'да ўқинг!
