Бавария ёшлар жамоасида янги мураббийлар штаби шакллантирилмоқда
Sky хабарига кўра, Бабак Кейҳанфар Бавария U23 жамоасининг янги бош мураббийи Данте билан бирга иш бошлайди. Шунингдек, 41 ёшли мутахассис билан 2028-йилгача мўлжалланган шартнома имзоланиши кутилмоқда. Кейҳанфар ўз фаолияти давомида Майнц 05, Унион Берлин ва Ред Булл Залсбург каби клубларда ишлаган ҳамда Юрген Клопп билан ҳамкорлик қилган.
Скй хабарига кўра, Бабак Кейҳанфар Бавария У23 жамоасининг янги бош мураббийи Данте билан бирга иш бошлайди. 41 ёшли мутахассис ёрдамчи мураббий сифатида катта тажрибага эга бўлиб, у билан 2028-йилгача мўлжалланган шартнома имзоланиши кутилмоқда. Бу ҳақда Goal.com хабар беради.
Кейҳанфар ўз фаолияти давомида Майнтс 05, Унион Берлин ва Ред Булл Залцбург каби клубларда ишлаган. Шунингдек, у тажрибали мураббий Юрген Клопп билан ҳамкорлик қилган ва мураббийлик соҳасида бой билим тўплаган. У 2024-йил охиридан буён ишсиз эди.
Бразилиялик ҳимоячи Данте ёзда Бавария У23 жамоасини қабул қилиб олади ва мураббийлик фаолиятини айнан шу ерда бошлайди. Ҳозирда 42 ёшли футболчи Лига 1 вакили ОГК Нисе сафида ўз ўйинларини давом эттирмоқда.
Данте 2012-2015-йиллар оралиғида Бавария сафида 133 та ўйинда майдонга тушган. У Мюнхен клуби билан уч марта Бундеслига, уч марта ДФБ-Покал ва бир марта Чемпионлар лигаси ғолиби бўлишга эришган.
Изоҳлар 0
…