Скй хабарига кўра, Бабак Кейҳанфар Бавария ёшлар жамоасининг янги бош мураббийи Данте учун ёрдамчи бўлади. 41 ёшли мутахассис ёрдамчи мураббий сифатида катта тажрибага эга бўлиб, у бунгача Майнтс 05 ва Унион Берлин клубларида фаолият юритган. У Бавария билан 2028-йилга қадар мўлжалланган шартнома имзолаш арафасида турибди. Бу ҳақда Goal.com хабар беради.
Кейҳанфар ўз мураббийлик фаолиятини футболчилик давридаёқ бошлаган. У аввалроқ Ред Булл Залцбургнинг захира жамоаси бўлган ФК Лиеферинг, шунингдек, Бо Свенссон қўл остида Майнтс ва Унион Берлин клубларида ишлаган. Тажрибали мураббий ҳатто Юрген Клопп билан ҳам яқиндан ҳамкорлик қилган.
Бразилиялик Данте ёзда Бавариянинг У23 жамоасини қабул қилиб олади ва шу тариқа мураббийлик фаолиятини бошлайди. 42 ёшли ҳимоячи ҳозирда Лига 1 вакили ОГК Нисе сафида ўйнашда давом этмоқда. Данте 2012-2015-йиллар оралиғида Бавария таркибида 133 та ўйин ўтказиб, Бундеслигада уч марта, ДФБ-Покал мусобақасида уч марта ва Чемпионлар лигасида бир марта ғолиб чиққан.
Данте бу лавозимда 2020-йилдан буён жамоани бошқариб келган Холгер Зайтснинг ўрнини эгаллайди. Зайтс жамоани 2018/19-йилги мавсумда Регионаллига чемпиони қилган эди. Эндиликда у клуб тизимида бошқа лавозимда фаолиятини давом эттиради.
“Zamin”ни Telegram'да ўқинг!
