Бавария ярим ҳимоячиси Жоао Палҳинҳа фаолиятини Португалияда давом эттириши мумкин. "Корреио да Манҳа" радиоси раҳбари Педро Соуса хабарига кўра, Лиссабоннинг икки гранди — Спортинг ва Бенфика футболчини ўз сафига қўшиб олишдан манфаатдор. Бу ҳақда Goal.com хабар беради.
Маълум бўлишича, 30 ёшли футболчи фарзандларига яқинроқ бўлиш учун ватанига қайтишни истамоқда. Унинг учун Спортингга қайтиш "асосий устуворлик" ҳисобланади, Бенфика эса трансфер бўйича дастлабки сўровларни юбориб улгурган.
Айни дамда Палҳинҳа ижара асосида Тоттенхем шарафини ҳимоя қилмоқда. У 2024-йилда 51 миллион евро эвазига Бавария сафига ўтган эди, бироқ Винсент Компани қўл остида асосий таркибдан жой топа олмади. Натижада футболчи Лондон клубига ижарага берилди.
Тоттенхем футболчини 25 миллион евро эвазига тўлиқ сотиб олиш ҳуқуқига эга, бироқ клуб раҳбарияти ушбу шартни қайта кўриб чиқмоқчи. Бавария спорт директори Чристопҳ Фреунд вазият ноаниқ эканлигини таъкидлаб, якуний қарор мавсум якунида қабул қилинишини маълум қилди.
“Zamin”ни Telegram'да ўқинг!
