Джо Гомес: Мухлисларнинг ҳуштакбозлиги жамоага оғир ботмоқда
Ливерпул ҳимоячиси Жое Гомес Челси билан кечган 1:1 ҳисобидаги дурангдан кейин мухлислар томонидан уюштирилган ҳуштакбозлик жамоа футболчиларига қаттиқ таъсир қилганини тан олди. Учрашувда 17 ёшли Рио Нгумоханинг жисмоний чарчоқ сабабли захирага олиниши мухлисларнинг кескин эътирозига сабаб бўлган эди, бироқ Гомес мураббий қарорини ҳимоя қилди.
Ливерпул ҳимоячиси Джо Гомес жамоанинг Челси билан кечган 1:1 ҳисобидаги дурангдан сўнг ўз мухлислари томонидан ҳуштакбозлик билан кутиб олингани футболчиларга қаттиқ таъсир қилганини тан олди. Жамоанинг энг узоқ вақт тўп сураётган футболчиси сифатида у мухлисларнинг ҳафсаласи пир бўлганини тушунишини, бироқ бу ҳолат ўйинчилар учун руҳий жиҳатдан оғир эканини таъкидлади. Бу ҳақда Goal.com хабар беради.
Арне Слот шогирдлари Чемпионлар лигаси йўлланмаси учун курашни давом эттирмоқда ва мавсум якунига қадар ғалаба қозонишлари шарт. Гомес мухлисларнинг норозилигини тўлиқ тушунишини, жамоа ҳам ўз ўйинидан қониқмаётганини ва вазиятни ўнглашга интилаётганини қайд этди.
Учрашув давомида 17 ёшли Рио Нгумоҳанинг захирага олиниши мухлисларнинг кескин эътирозига сабаб бўлганди. Бироқ Гомес ёш футболчининг жисмоний чарчоқ сабабли алмаштирилганини тушунтириб, мураббий қарорини ҳимоя қилди ва Нгумоҳа келажакда Ливерпулнинг ёрқин юлдузига айланишига ишонч билдирди.
Жамоа ичидаги муҳит ҳақидаги саволларга жавоб берар экан, Гомес кийиниш хонасида бўлиниш юз бергани ҳақидаги миш-мишларни рад этди. Унинг сўзларига кўра, тажрибали футболчилар янги келган ўйинчиларга Ливерпул каби клубдаги босимга мослашишда ёрдам бериш учун бор кучлари билан ҳаракат қилмоқда.
Изоҳлар 0
…