Тоттенхем ҳимоячиси Миккй ван де Вен айни дамда дунёнинг энг кучли марказий ҳимоячиси сифатида эътироф этилмоқда. Собиқ футболчи Роннй Росентҳал нидерландиялик футболчининг тезлиги ва жисмоний тайёргарлиги уни замонавий футболдаги энг яхши ҳимоячига айлантирганини таъкидлади. Бу ҳақда Goal.com хабар беради.
25 ёшли футболчи жорий мавсумда Тоттенхем сафидаги барқарор ўйини билан ажралиб турибди. Росентҳалнинг фикрича, мавсум якунида Европанинг етакчи клублари, хусусан, Манчестер Юнайтед ва Ливерпул уни ўз сафига қўшиб олиш учун кураш бошлаши кутилмоқда.
Тоттенхем жамоаси учун бу мавсум қийин кечмоқда ва клубнинг Европа мусобақаларига йўлланма ололмаслиги Ван де Веннинг кетиш эҳтимолини оширмоқда. Мутахассислар унинг юқори тезлиги юқори прессинг ўйнайдиган топ-клублар учун идеал мос келишини қайд этишмоқда.
Шунингдек, жамоа таркибидаги ўртамиёна футболчилар кўплиги сабабли, Жамес Маддисон ва Миккй ван де Вен каби етакчиларнинг роли янада муҳим аҳамият касб этмоқда. Ричарлисон эса ҳужум чизиғида ўз ўйинини янада кучайтириши талаб этилади.
“Zamin”ни Telegram'да ўқинг!
