Ливерпул жамоаси ҳимоя чизиғини мустаҳкамлаш мақсадида трансфер бозорида фаол иш олиб бормоқда. Собиқ ҳимоячи Глен Джонсоннинг фикрича, клуб Ноттингҳам Форест вакили Мурилло ҳамда Тоттенхем ҳимоячиси Миккй ван де Вен трансферларига эътибор қаратиши мақсадга мувофиқ. Бу ҳақда Goal.com хабар беради.
Ибраҳима Конате билан шартнома муддати якунланиб бораётгани ва Виргил ван Дижкнинг ёши ўтиб бораётганини инобатга олган ҳолда, Ливерпул марказий ҳимояда янги номларга муҳтож. Жамоа келажак учун эмас, балки ҳозирги мавсумда чемпионлик учун кураша оладиган тайёр футболчиларни қидирмоқда.
Глен Джонсоннинг таъкидлашича, Англия Премер-лигаси тажрибасига эга бўлган футболчиларни сотиб олиш Ливерпул учун устувор вазифа бўлиши керак. Унинг сўзларига кўра, жамоанинг вақти кам ва улар дарҳол натижа бера оладиган, юқори савиядаги ҳимоячиларга муҳтож.
Мурилло ўзининг барқарор ўйини билан кўплаб топ-клублар эътиборини тортган бўлса, Миккй ван де Вен ўзининг тезлиги ва жисмоний кучи билан ажралиб туради. Ливерпул раҳбарияти 2026-йилги мавсум олдидан айнан шу позицияларни кучайтириш орқали ҳимоядаги муаммоларни бартараф этишни режалаштирмоқда.
“Zamin”ни Telegram'да ўқинг!
