Реал Мадрид ТВ Ла Лигани коррупцияда айблади
Барселона билан кечган мағлубиятдан кейин Реал Мадрид ТВ Испания чемпионати ва ҳакамлар тизимини коррупсия ҳамда тизимли адолацизликда айблади. Мадридликлар 55-дақиқадаги Ерик Гарсиа ва Жуд Беллингем ўртасидаги тўқнашувда пеналти белгиланиб, футболчи четлатилиши керак бўлгани, бироқ VAR тизими ҳаракациз қолганини таъкидлади. Телеканал шарҳловчиларининг иддао қилишича, VAR фақат Реал Мадрид зарарига ишлаётгани боис қарорлар атайлаб қабул қилинмоқда.
Барселона клубига қарши кечган Эл-Класикодаги мағлубиятдан сўнг, Реал Мадрид клуби ўзининг расмий телеканали орқали Испания чемпионати ва ҳакамлар тизимига қарши кескин баёнотлар билан чиқди. Мадридликлар жамоаси мағлубиятни спортдаги тенгсизлик билан эмас, балки тизимли адолатсизлик ва манипуляция билан изоҳламоқда. Бу ҳақда Goal.com хабар беради.
Баҳсли вазиятлардан бири 55-дақиқада Эрик Гарсиа ва Жуд Беллингем ўртасидаги тўқнашув бўлди. Реал Мадрид ТВ экспертлари ушбу эпизодда пеналти белгиланиши ва Эрик Гарсиа майдондан четлатилиши кераклигини таъкидлаб, VAR тизимининг ҳаракатсизлигини қоралади. Канал шарҳловчилари VAR фақат Реал Мадрид зарарига ишлаётганини ва атайлаб қарорлар қабул қилинаётганини иддао қилди.
Шунингдек, телеканал трансляция режиссёрларини ҳам айблаб чиқди. Уларнинг сўзларига кўра, Дани Олмо иштирокидаги вазиятлар каби муҳим эпизодлар томошабинлардан атайлаб яширилган. Мадридликлар клуби ушбу ҳолатларни Испания футболидаги атайлаб уюштирилган сценарий деб атамоқда.
Изоҳлар 0
…