Ал-Қадсиаҳ бош мураббийи Брендан Родгерц Саудия Арабистони чемпионати доирасидаги ўйиндан сўнг Криштиано Роналдо билан бўлган самимий учрашуви тафсилотларини ошкор қилди. Ижтимоий тармоқларда кенг тарқалган суратлар мухлисларда катта қизиқиш уйғотган эди, бироқ мутахассис бу муносабатлар ўн йиллар олдин Англияда бошланганини таъкидлади. Бу ҳақда Goal.com хабар беради.
Родгерцнинг сўзларига кўра, уларнинг боғлиқлиги ҳали ўзи Челси клубида ёш мураббий бўлиб ишлаган даврларга бориб тақалади. Ўша вақтда унинг онаси Манчестер Юнайтед юлдузи бўлган Роналдонинг мухлиси эди. Брендан онасининг илтимосига кўра, португалиялик футболчидан у билан учрашишни сўраган ва Роналдо бунга рози бўлган.
"Онам 2010-йилда вафот этган, аммо Роналдонинг ўша куни онамга кўрсатган эътибори, у билан суратга тушиб, илиқ сўзлар айтгани мен учун ҳамиша қадрли бўлиб қолган. Бу воқеа биз ўртамиздаги ҳурмат ришталарини мустаҳкамлаган", — дея эслайди мураббий.
Шунингдек, Брендан Родгерц Роналдонинг Саудия Арабистони футболи ривожига қўшаётган ҳиссасини алоҳида эътироф этди. Унинг фикрича, айнан Криштиано Роналдо туфайли бугун дунёнинг кўплаб юлдуз футболчилари айнан шу минтақага келиб, ўз фаолиятини давом эттирмоқда.
“Zamin”ни Telegram'да ўқинг!
