Душан Влаховичнинг Туриндаги келажаги тобора мавҳумлашиб бормоқда. Сербиялик ҳужумчи ёзда эркин агентга айланиш арафасида турибди ва Ювентус билан музокаралар қийин кечмоқда. Хабарларга кўра, футболчининг агентлари аллақачон бошқа вариантларни кўриб чиқишни бошлаган. Бу ҳақда Goal.com хабар беради.
Маълумотларга қараганда, Влаховичнинг вакиллари Атлетико Мадрид клуби билан боғланиб, ҳужумчини трансфер қилиш имкониятини муҳокама қилган. Диего Симеоне жисмоний жиҳатдан бақувват ва дарвоза олдида совуққон ҳаракат қиладиган ҳужумчиларни қадрлайди, шу боис сербиялик футболчи Мадрид клуби ўйин услубига мос келиши мумкин.
Томонлар ўртасидаги асосий келишмовчилик молиявий масалаларга бориб тақалмоқда. Влахович мавсумига 8 миллион евро маош талаб қилаётган бўлса, Ювентус клуби бюджетни тежаш мақсадида атиги 6 миллион евро таклиф қилмоқда. Бу таклиф футболчининг ҳозирги даромадидан деярли 50 фоизга камроқдир.
Агар Влахович эркин агент мақомини олса, унга Европанинг етакчи клублари, жумладан Бавария, Барселона ва Арсенал қизиқиш билдирмоқда. Шунингдек, Милан клуби ҳам футболчини Италияда олиб қолиш вариантини кўриб чиқмоқда.
“Zamin”ни Telegram'да ўқинг!
