Ливерпул ҳужумчиси Муҳаммад Салах жамоанинг Астон Вилла билан ўйиндаги мағлубиятидан сўнг бош мураббий Арне Слотнинг тактик қарорларига очиқчасига эътироз билдирди. Мисрлик футболчи клуб ўзининг Журген Клопп давридаги машҳур "ҳеавй метал" футбол услубига қайтиши кераклигини таъкидлади. Бу ҳақда Goal.com хабар беради.
Салах ижтимоий тармоқлардаги чиқишида жамоа ўзининг қўрқинчли қиёфасини йўқотиб қўйганини қайд этди. Унинг сўзларига кўра, Ливерпул шунчаки ғалаба қозонадиган эмас, балки рақибларини босим остида ушлаб турадиган ва совринлар учун курашадиган жамоа бўлиши шарт.
Арне Слот жамоада назорат ва тўпга эгалик қилишга асосланган ўйинни йўлга қўймоқчи бўлса-да, Салах бу фалсафани клуб анъаналарига зид деб ҳисоблайди. Унинг фикрича, клубга келган ҳар бир инсон Ливерпулнинг ўзига хос ҳужумкор услубига мослашиши керак.
Айни дамда Ливерпул Англия Премер-лигасида Чемпионлар лигаси йўлланмаси учун курашмоқда. Мавсум якунида клубни тарк этишини эълон қилган Муҳаммад Салах сўнгги турда Брентфордга қарши ўйинда жамоасига ёрдам бериб, мавсумни муносиб якунламоқчи.
“Zamin”ни Telegram'да ўқинг!
