Бу ҳақиқатан ҳам юз берди! Флорентино Перез узоқ вақт давом этган миш-мишлардан сўнг Хосе Моуриньони яна Бернабеуга қайтаришга қарор қилди. Душанба куни тарқалган хабарларга кўра, Реал Мадрид 13 йиллик танаффусдан сўнг португалиялик мутахассис билан шартнома имзолади. Бу ҳақда Goal.com хабар беради.
Клубдаги вазият ҳозирда жуда оғир. Жамоа ичидаги низолар, президентга бўлган босим ва мухлисларнинг норозилиги фонида Моуриньонинг тайинланиши оловга мой қуйишдек таассурот қолдирмоқда. У Альваро Арбелоа ўрнига келиб, инқирозга юз тутган жамоани қутқаришга уриниб кўради.
Моуриньо учун бу ўз уйига қайтишдек туюлиши мумкин, аммо унинг сўнгги йиллардаги фаолияти аввалгидек ёрқин эмас. Фенербаҳсе, Рома, Тоттенхем ва Манчестер Юнайтеддаги омадсизликлар унинг обрўсига путур етказди. 2015-йилдан бери бирор марта чемпионликни қўлга киритмаган мураббий учун бу сўнгги имконият бўлиши мумкин.
Перезнинг бу қарори футбол оламида ҳам ҳайрат, ҳам шубҳа билан кутиб олинди. Моуриньо ўзининг "Maxсус" (Тҳе Специал Оне) мақомига қайта оладими ёки Реал Мадриддаги бу иккинчи уриниш ҳам муваффақиятсизлик билан тугайдими, буни вақт кўрсатади.
“Zamin”ни Telegram'да ўқинг!
