Интер сардори Лаутаро Мартинез дунё футболидаги энг кучли марказий ҳужумчи сифатида Эрлинг Холанд эмас, балки Харри Кейнни эътироф этди. Gazzetta делло Sport нашрига берган интервюсида аргентиналик футболчи Бавария ҳужумчисининг техник маҳорати ва майдонни кўра олиш қобилияти уни бошқалардан ажратиб туришини таъкидлади. Бу ҳақда Goal.com хабар беради.
Мартинезнинг фикрича, Кейн нафақат гол уриш, балки тўп билан ишлаш, шериклари билан боғланиш ва ўйинни тушуниш борасида ҳам тенгсиздир. У инглиз ҳужумчисини ҳақиқий феномен деб атади. Гарчи Холанд Манчестер Сити сафида ажойиб натижалар кўрсатаётган бўлса-да, Лаутаро айнан Кейннинг ҳар томонлама мукаммаллигини устун қўйди.
Ўзининг жорий мавсумдаги ўйини ҳақида гапирар экан, Мартинез А Серияда 29 та ўйинда 17 та гол уриб, тўпурарлар пойгасини бошқариб бораётганидан мамнунлигини билдирди. У ўзини фаолиятидаги энг яхши формада ҳис қилаётганини ва тактик жиҳатдан ҳам анча ўсганини қайд этди.
Шунингдек, ҳужумчи жамоадоши Маркус Тюрам билан ўзаро тушуниш даражаси юқори эканлигини алоҳида таъкидлади. Уларнинг характерлари турлича бўлса-да, майдонда бир-бирини мукаммал тўлдириб, Интер ҳужум чизиғининг самарадорлигини таъминламоқда.
“Zamin”ни Telegram'да ўқинг!
