Бразилия терма жамоаси юлдузи Неймар ЖЧ-2026 учун қайдномага киритилганидан бир неча кун ўтиб, яна жароҳат олди. Сантос ҳужумчисида болдир мушаклари билан боғлиқ муаммо аниқланган, бу эса унинг Шимолий Америкада бўлиб ўтадиган турнирга тайёргарлиги борасида хавотирларни келтириб чиқарди. Бу ҳақда Goal.com хабар беради.
Сантос клуби тиббиёт бўлими раҳбари Родриго Зогаибнинг маълум қилишича, тиббий кўриклар Неймар ўнг оёғининг болдир қисмида 2 миллиметрли шиш борлигини кўрсатган. Бу 34 ёшли футболчи учун ноқулай вақтда юз берди, чунки у 2023-йилда олган оғир тизза жароҳатидан сўнг яқиндагина Бразилия терма жамоасига қайтган эди.
Ҳужумчи аллақачон Сантоснинг Копа Судамерикана доирасидаги Сан Лоренсо билан ўйинини ўтказиб юборди ва Гремио билан бўладиган чемпионат баҳсида ҳам майдонга тушмаслиги кутилмоқда. Эндиликда Неймар 27-май куни терма жамоа ихтиёрига етиб бориш учун тикланиш жараёнини тезлаштириши лозим.
Клуб шифокори Зогаиб жароҳат жиддий эмаслигини ва футболчи келаси ҳафтага қадар тайёр бўлишига ишонишини билдирди. Неймар эса терма жамоага қайтиши ҳақида гапирар экан, узоқ танаффусдан сўнг бу чақирув унга қанчалик ҳиссий таъсир қилганини ва барча қийинчиликларни енгиб ўтишга арзигулигини таъкидлади.
“Zamin”ни Telegram'да ўқинг!
