Микел Артета 22 йиллик танаффусдан сўнг Арсенал жамоасига Англия Премер-лигаси чемпионлигини тақдим этди. Бироқ, Шимолий Лондонда испаниялик мутахассис ўз ватани ва тарбияланувчиси ҳисобланган Барселона томонидан ўзига оғдириб олиниши мумкинлиги ҳақидаги хавотирлар пайдо бўлмоқда. Артета машҳур Ла Масиа академияси маҳсули бўлиб, мураббийлик сир-асрорларини Пеп Гуардиола қўл остида ўрганган. Бу ҳақда Goal.com хабар беради.
Арсенал афсонаси Рай Парлоур 44 ёшли мураббийнинг келажаги борасидаги баҳсларни ўз вақтида Арсене Венгер атрофида юзага келган вазиятга ўхшатди. Венгер "Канонирлар"ни учта чемпионлик сари етаклаган, жумладан 2003-04-йилги мағлубиятсиз мавсумни қайд этган даврда, у дунёнинг энг кучли мураббийларидан бири саналган. Ўшанда деярли ҳар мавсумда "Proфессор"нинг Реал Мадрид клубига ўтиши ҳақида миш-мишлар тарқаларди.
Ҳатто Венгер Ҳигҳбурй стадионида ишлаётган вақтида "Қироллик клуби" билан музокаралар ҳам ўтказган, бироқ якунда у 2018-йилгача Арсенал жамоасига содиқ қолган. Артета эса 2019-йил декабрида жамоани қабул қилиб олганидан бери 350 та ўйинда иштирок этди ва 2025-26-йилги мавсумда ички чемпионатда гегемонликни қайтарди. Ҳозирда жамоа 30-май куни Чемпионлар лигаси финалида Пари Сен-Жермен билан тўқнаш келишга тайёргарлик кўрмоқда.
Артета билан амалдаги шартнома 2027-йилнинг ёзига қадар имзоланган. Гарчи шартномани узайтириш масаласи кўриб чиқилаётган бўлса-да, Барселона каби гранд клубнинг таклифи уни йўлдан уриши мумкинми? Парлоурнинг фикрича, Артета ҳам Венгер каби содиқ қолиши эҳтимоли юқори. У ўз лойиҳасини охирига етказишни истайди ва Арсенал жамоасининг янги даврини қуришда давом этади.
“Zamin”ни Telegram'да ўқинг!
