Лионель Месси Пҳиладелпҳиа Унион жамоасига қарши кечган голларга бой ўйинда майдонни эрта тарк этгани сабабли мухлисларда хавотир уйғонди. Аргентина терма жамоаси сардори мушакларидаги муаммо туфайли захирага олинишини сўради ва тўғри кийиниш хонасига йўлй олди. Бу ҳолат 2026-йилги Жаҳон чемпионати саралаш ўйинлари олдидан хавотирларни кучайтирди. Бу ҳақда Goal.com хабар беради.
Учрашувнинг 73-дақиқасида Лионель Месси жарима зарбасини амалга оширгач, чап оёғининг юқори қисмини ушлаганча захира ўриндиғига ишора қилди. 38 ёшли юлдуз майдонни ўзи мустақил тарк этган бўлса-да, унинг кийиниш хонасига йўналиши Албиселесте лагерида ва бутун дунёдаги мухлислар орасида турли тахминларга сабаб бўлди.
Интер Миами бош мураббийи Гуиллермо Ҳоёс ўйиндан кейинги матбуот анжуманида вазиятга изоҳ бериб, мухлисларни тинчлантиришга ҳаракат қилди. Мураббийнинг сўзларига кўра, бу жиддий жароҳат эмас, балки эҳтиёт чораси бўлиши мумкин. «Ҳозирча аниқ тиббий ҳисобот йўқ, лекин у чиндан ҳам чарчаган эди. Майдон оғр эди, шунинг учун таваккал қилмасликни афзал кўрдик», деди мураббий.
Ушбу жароҳат драмаси MLS тарихидаги энг ҳайратланарли ўйинлардан бирига соя солди. Биринчи бўлимнинг ўзидаёқ рекорд даражадаги 8 та гол урилди ва жамоалар танаффусга 4:4 ҳисобида йўлй олишди. Лионель Месси ўз ҳисобига ассист ёздириб қўйди, Луис Суарез эса хет-трик қайд этиб, жамоасининг ғабабасини таъминлади.
Интер Миами таркибида Родриго Де Паул ҳам гол уришга муваффақ бўлди ва якунда Ҳеронс 6:4 ҳисобида ғалаба қозонди. Эндиликда барча эътибор Лионель Месси ўтказадиган тиббий кўрик натижаларига қаратилган, чунки Аргентина терма жамоасининг навбатдаги муҳим ўйинлари яқинлашиб келмоқда.
“Zamin”ни Telegram'да ўқинг!
