Реал Мадрид юлдузи Винисиус Жуниор Бразилия терма жамоасининг афсонавий ҳужумчиси Неймар ЖЧ-2026 таркибига киритилганидан сўнг ўз ҳис-туйғулари билан ўртоқлашди. Узоқ давом этган жароҳатлар ва мураккаб даврдан сўнг, собиқ Барселона ва PSJ юлдузи Карло Анселотти бошқарувидаги жамоанинг якуний рўйхатидан жой олди. Бу ҳақда Goal.com хабар беради.
Винисиус Жуниор КазеТВ телеканалига берган интервюсида 34 ёшли ҳужумчининг қайтиши осон бўлмаганини таъкидлади. Унинг сўзларига кўра, Неймар ҳар сафар чақирув рўйхатидан тушиб қолганда қаттиқ тушкунликка тушган. "Неймар билан ҳар бир йиғин вақтида гаплашардим. У доим Анселотти уни чақирмаётганидан хафа бўларди. Мен эса унга мураббий унга ишонишини ва вақти келиб албатта чақиришини айтиб тасалли берардим", — дейди Винисиус.
"Неймар — бизнинг кумушимиз, мен уни фаолияти бошиданоқ кузатиб келаман. У мени доим ҳимоя қилган ва қўллаб-қувватлаган. Шунча жароҳатлар ва азоблардан сўнг унинг терма жамоага қайтганидан ва ажойиб жамоа билан сўнгги имкониятга эга бўлганидан жуда хурсандман", — дея қўшимча қилди Реал Мадрид ҳужумчиси.
Шунингдек, Винисиус Жуниор жамоанинг ёш иқтидори Эндрик ҳақида ҳам тўхталиб ўтди. 19 ёшли футболчи жаҳон чемпионатига бориш-бормаслиги борасида жуда хавотирланганини айтди. Винисиуснинг сўзларига кўра, у ёш жамоадошини тинчлантириб, унинг таркибда бўлишига ишонтирган. Бразилия терма жамоаси Шимолий Америкада ўтадиган турнирда ўзининг олтинчи чемпионлигини қўлга киритишни мақсад қилган.
“Zamin”ни Telegram'да ўқинг!
