"РБ Леипзиг" жамоасининг иқтидорли ёш футболчиси Ян Диоманде учун курашда "Ливерпул" ва PSJ асосий даъвогарларга айланиб олди. 19 ёшли футболчи майдоннинг ўнг қанотида ҳаракат қилишни афзал кўрмоқда, бу эса ушбу икки клубга "Манчестер Юнайтед" ва "Бавария" устидан сезиларли устунлик тақдим этмоқда. Бу ҳақда Goal.com хабар беради.
"Ливерпул" Муҳаммад Салах учун узоқ муддатли ўринбосар қидираётган бир пайтда, клубнинг ривожланиш режаси футболчининг амбицияларига тўла мос келмоқда. Журналист Бен Джейкобснинг сўзларига кўра, Диоманденинг айнан ўнг қанотда ўйнаш истаги трансфер пойгасида ҳал қилувчи омилга айланган. Мерсисайдликлар ва Париж клуби ивуарлик иқтидор эгасига айнан у хоҳлаган позицияни таклиф қилмоқда.
"Манчестер Юнайтед" ва "Бавария" ҳам футболчига қизиқиш билдирмоқда, бироқ ҳар икки клуб Диомандени асосан чап қанот ҳужумчиси сифатида кўрмоқда. Бу ёндашув футболчининг танловига таъсир ўтказиши мумкин, чунки у ўз фаолиятининг ҳозирги босқичида ўнг қанотда тўп суришни афзал билади.
"Бавария" дастлаб Антонй Гордон номзодига эътибор қаратган эди, бироқ Гордон "Барселона"га ўтиб кетгач, Мюнхен клуби яна бозорга қайтди. Шунга қарамай, тактик жойлашув борасидаги қарашлар Ян Диомандени кўпроқ "Ливерпул" ёки PSJ лойиҳасига яқинлаштирмоқда.
Ҳозирда Диоманде учун кураш молиявий масалалардан кўра кўпроқ тактик вадалар атрофида кечмоқда. Ёш юлдуз учун мунтазам ўйин амалиёти ва ўзи ёқтирган позицияда тўп суриш имконияти ҳар қандай моддий таклифдан устунроқ бўлиб турибди.
“Zamin”ни Telegram'да ўқинг!
