«Реал» ўз майдонида «Валенсия»ни мағлуб этди ва биринчи ўринга қайтди

  • 29 апрель 2017, 21:58
  • 3 134
  • Спорт
  • «Реал» ўз майдонида «Валенсия»ни мағлуб этди ва биринчи ўринга қайтди
    Испания чемпионатининг 35-туридан ўрин олган «Реал» – «Валенсия» учрашуви ўз ниҳоясига етди. «Сантьяго Бернабеу»да бўлиб ўтган учрашувда мадридликларнинг қўли баланд келди.

    Учрашувнинг 27–дақиқасида Криштиано Роналду Дани Карвахалнинг узатмасидан сўнг тўпни боши билан дарвозага жойлаб қўйди ва мезбонларни олдинга олиб чиқди. Иккинчи бўлим бошида Роналду пенальтини аниқ амалга ошира олмади.

    82-дақиқада Дани Парехо жарима зарбасидан унумли фойдаланди ва ўртадаги мувозанатни тиклади. Орадан кўп ўтмай Марсело мадридликларга ғалаба келтирган гол муаллифига айланди.

    Ушбу ғалабадан сўнг «Реал» (81) мусобоқа жадвалида «Барселона»ни (78) ортда қолидириб биринчи ўринга кўтарилиб олди.

    Испания чемпионати, 35-тур

    Реал – Валенсия 2:1

    Голлар: 1:0 – 27 Роналду, 1:1 – 82 Парехо, 2:1 – 86 Марсело.

    Реал – Навас, Начо, Марсело, Карвахаль, Рамос, Модрич, Каземиро, Кроос, Хамес (Асенсио, 66), Роналду, Бензема (Мората, 72).

    Валенсия – Диего Алвес, Гарай, Тони Лато (Гайя, 86), Монтойя, Мангаля, Парехо, Солер, Орельяна (Баккали, 89), Нани (Родриго, 70), Санти Мина, Мунир.

    Огоҳлантиришлар: Парехо (21), Тони Лато (25), Каземиро (52), Гарай (56), Мангаля (64), Мората (77), Модрич (82).

    Манба: www.uff.uz

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » «Реал» ўз майдонида «Валенсия»ни мағлуб этди ва биринчи ўринга қайтди