08:55 / 08.05.2017
8 628

Афсонавий боксчи Руслан Чагаев билан эксклюзив видеосуҳбат

Афсонавий боксчи Руслан Чагаев билан эксклюзив видеосуҳбат
Ҳаваскор ва профессионал боксда оламшумул совринларни саралаб олган ўзбек спортчиси Руслан Чагаев яна қадрдон юртига келди, деб ёзади Kun.uz сайти.

WBA таснифи оғир вазнида жаҳон чемпиони (2007-2009), WBA оғир вазнда мунтазам жаҳон чемпиони (2014-2016), ҳаваскор бокснинг оғир вазнида икки бор жаҳон чемпиони (1997-2001), ҳаваскор бокс оғир вазн тоифасида Осиё чемпиони – мана шундай ютуқлар эгаси бўлган боксчи билан ҳар қанча фахрлансак арзийди.

Руслан айни пайтда юртга қайтиб, Андижонда бўлиб турганида у билан мухлислари учун дилдан суҳбат қуришни ният қилдик.

Видеоинтервью давомида жангчимиз ўзи учун ёдда қолган жанглар, болалик хотиралари, устозлари, дўстлари билан бўлган қизиқ воқеалар, оиласи ва фарзандлари ҳақида сўзлади. Руслан Ўзбекистонда ўзининг бокс мактаби очиши қандай амалга ошиши мумкинлиги, Рамзан Қодиров билан танишиш тарихи, бокснинг сиру-асрорларини қандай эгаллаш юзасидан берилган саволларга жавоб берди.

Ватан туйғуси ҳақида ёниб гапирган, ҳар бир саволга ўзбекона сўзамоллик, лутф ва чапанилик билан жавоб қайтаргани унинг нафақат спортчи, балки инсон сифатида қандай эканлигини кўрсатиб берди, десам муболаға бўлмаса керак.

Узоқ йиллар жаҳонгашталик билан ҳаёт кечираётган боксчимизда ўзбекона урф-одатлар, тилимизни тўлиқ сақланиб қолгани жуда таъсирли.

Эътиборингизга, Руслан Чагаев билан бўлган видеосуҳбатни ҳавола этамиз.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Афсонавий боксчи Руслан Чагаев билан эксклюзив видеосуҳбат