19:40 / 07.06.2017
5 212

«Ювентус» Аллегри билан янги шартнома тузди

«Ювентус» Аллегри билан янги шартнома тузди
«Ювентус» бош мураббий Массимилиано Аллегри билан шартномани янгилади. 49 ёшли италиялик мутахассис билан янги келишув 2020 йилга қадар мўлжалланган, деб ёзади Кун.уз нашри.

Аллегри «Ювентус»ни 2014 йил ёзидан буён бошқариб келмоқда. Унинг раҳбарлигида жамоа уч марта Италия чемпиони бўлди (2015, 2016, 2017), битта Италия Суперкубоги (2015) қўлга киритди ва икки марта Чемпионлар лигаси финалига чиқди (2015, 2017).

Аллегри билан «Ювентус» ўзининг чемпионлик сериясини олти йилга етказди. Туринликлар охирги марта A Серияда 2010/2011 йилги мавсумда чемпион бўлмаганди.

Ўтган 3 мавсумда «Ювентус» миллий чемпионат доирасидаги 114 учрашувдан 84тасида ғалаба қозонган, бу ўйинларда ўртача 2,36 очко олинганини англатади. Жамоа бу ўйинлар давомида 224 гол уриб, 71 гол ўтказган.

Аллегри мураббийлик фаолияти давомида «Гроссето», «Лечче», «Сассуоло», «Кальяри» ва «Милан» жамоаларида ишлаган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » «Ювентус» Аллегри билан янги шартнома тузди