Бунақаси ҳали бўлмаган! «Барселона» «Атлетик»дан жавобсиз тўртта гол ўтказиб юборди!

  • Спорт
  • 15-08-2015, 13:37
  • 1 110
  • Бунақаси ҳали бўлмаган! «Барселона» «Атлетик»дан жавобсиз тўртта гол ўтказиб юборди!

    “Атлетик” ҳамда “Барселона“ клублари ўтрасида Испания Суперкубогининг дастлабки ўйини ўз ниҳоясига етди. Унда 4:0 ҳисоби қайд этилиб, баскларнинг ғалабаси билан якунланди, деб ёзмоқда Uff.uz.

    Дастлаб, ўйиннинг 13-дақиқасида Сан Хосе чамаси 49 метрлардан зарба йўллаб, тер Стегенни доғда қолдиришга муваффақ бўлди – 1:0.

    53-дақиқага келиб, Адурис ҳисобдаги фарқни иккита тўпгача етказди. Орадан 9 дақиқа ўтар-ўтмас, Адурис ҳисобни йирик 3:0 кўринишга олиб келди. Бу ҳам камлик қилгандек яна испаниялик ҳужумчининг ўзи пенальтидан ўзининг учинчи голини киритиб, якуний 4:0 натижасини ўрнатди.

    Бунақаси ҳали бўлмаган! “Барселона” буларнинг барига ҳатто битта гол билан жавоб ҳам қайтара олмади. “Севилья” “комбэк”и “Барса“га салбий таъсир ўтказган-ми, ёки бошқа бир сабаб бор-ми, униси номаълум. Аммо, Луис Энрике шогирдлари энди “Камп Ноу”да бу шармандалик унутилишини таъминлашлари лозим.

    Испания Суперкубоги. Дастлабки учрашув

    Атлетик – Барселона 4:0 (1:0, 3:0)

    Голлар: 1:0 – 13 Сан Хосе, 2:0 – 53 Адурис, 3:0 – 62 Адурис, 4:0 – 68, пенальти Адурис.
    Атлетик – Ирайсос, Сан Хосе, Баленсиага, Эчейта, Де Маркос, Беньят, Эрасо (Гурпеги, 77), Сабин Мерино (Иньиго Лекуэ, 66), Сусаета (Боведа, 85), Лапорт, Адурис.
    Барселона – тер Стеген, Вермален, Дани Алвес, Бартра, Адриано, Рафинья (Иньеста, 52), Серджи Роберто (Ракитич, 60), Маскерано, Педро (Рамирес, 71), Суарес, Месси.
    Огоҳлантиришлар: Педро (41), Эрасо (44), Беньят (45), Дани Алвес (67), Эчейта (70), Сусаета (74), Маскерано (80), Гурпеги (88), Сан Хосе (90), Иньеста (90).