00:01 / 25.07.2017
4 757

«Пахтакор» Туркиядаги илк ўртоқлик ўйинида йирик ғалабага эришди

«Пахтакор» Туркиядаги илк ўртоқлик ўйинида йирик ғалабага эришди
Туркиянинг Измит шаҳридаги йиғин ўтказаётган «Пахтакор» жамоаси биринчи назорат беллашувида «Сабаил»дан 4:1 ҳисобида устун келди.

Озарбойжон Суперлигаси иштирокчисига қарши учрашувда ташаббусга эришган тошкентликлар жамоаси йирик натижа билан ғалаба қозонишди.

Аҳмедов тўпни рақибдан олиб қўйгач, дарвозани ишғол қилган бўлса, Симич Канюкнинг жаримадан оширган тўпини дарвозага аниқ йўналтирди. Меҳмонлар биринчи бўлимда бунга бир гол билан жавоб беришди.

Танаффусдан сўнг тўп яна рақибдан олиб қўйилгач, бу сафар Ўринбоев зафар қучди. Искандеров эса майдон маркази атрофидан жарима зарбасини дарвозага йўллади.

«Пахтакор» - «Сабаил» - 4:1 (2:1)
«Пахтакор»: Лобанов, Алижонов, Тожиев, Симич (Эрмаматов), Юсупов, Нуруллаев, Аҳмедов (Саъдиллаев), Безерра (Исматуллаев), Канюк (Искандеров), Каримов (Иброҳимов), Ўринбоев.
Голлар: Аҳмедов, Симич, Ўринбоев, Искандеров

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » «Пахтакор» Туркиядаги илк ўртоқлик ўйинида йирик ғалабага эришди