Одил Аҳмедов яна гол урди ва жамоасига ғалаба келтирди (видео)

Кеча "Шанхай СИПГ" ҳамда "Гуанжоу Эвергранд" клублари ўртасида Хитой Кубоги ярим финалининг илк учрашуви бўлиб ўтди.
Ўйинни асосий таркибда бошлаган Ўзбекистон терма жамоаси сардори Одил Аҳмедов учрашувда гол киритишга муваффақ бўлди.

"Чонгяинг Лифан"га қарши Хитой чемпионатининг 22-тур баҳсида ўз ҳисобига гол ёздирган ҳамюртимиз бу сафар ҳам гол уришга эришди.

Аввалига ҳисобни "Гуанжоу Эвергранд" футболчиси Лиу Цзян очди. 20 дақиқада у боши билан дарвозани аниқ нишонга олди.

Баҳснинг 55-дақиқасида Одил Аҳмедов ўзи бошлаган ҳужумни ўзи якунлади. Ўйинни сўнгги дақиқаларида "Шанхай СИПГ" ўйинчиси Хе Гуань "Гуанжоу Эвергранд" дарвозасини нишонга олиб, ярим финалнинг илк учрашувида шанхайликларга ғалаба келтирди.

"Шанхай СИПГ" - "Гуанжоу Эвергранд" 2:1

Голлар: Одил Аҳмедов 55, Хе Гуань 90+1 - Лиу Цзян 20.
[media=https://youtu.be/Av37yjlb1_I]

Манба: www.uff.uz

Янгиликлар