08:40 / 26.08.2017
5 449

Гамбург-2017. Терма жамоамизнинг юриши ғалаба билан бошланди

Гамбург-2017. Терма жамоамизнинг юриши ғалаба билан бошланди
Маълумки, бугун Германиянинг Гамбург шаҳри мезбонлик қилаётган бокс бўйича жаҳон чемпионатига старт берилди. Мусобақанинг илк кунги беллашувларида бир нафар боксчимиз рингга кўтарилди.
Мазкур қарама-қаршиликда 91 кг вазн тоифасида Санжар Турсунов никарагуалик Жеффри Гонсалес билан куч синашди. Ушбу жангда рақибига нисбатан катта устунликка эга бўлган ҳамюртимиз 5:0 ҳисобида зафар қучди.

91 кг: Санжар Турсунов (Ўзбекистон)— Жеффри Гонсалес (Никарагуа) 5:0

Ушбу жангда ғолиб чиққан боксчимиз иккинчи саралаш тўқнашувида ўз иштирокини бошлайдиган аргентиналик Яра Пералтага қарши рингга чиқади. Жанг 27 август куни бўлиб ўтади.

Маълумот учун: Терма жамоамиз аъзоларидан 9 нафари ушбу жаҳон чемпионатига Осиё чемпиони сифатида ташриф буюрган бўлса, биргина 91 кгда вазнли боксчимиз Санжар Турсунов қитъа биринчилигининг ярим финалига қадар етиб кела олмаган ҳамда плей-офф раундида рақибини енгиб, мундиал йўлланмасини қўлга киритган. 9 нафар боксчимиз Тошкент шаҳри мезбонлик қилган Осиё чемпионатида олтин медални қўлга киритган эди.


Манба: www.sports.uz

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Гамбург-2017. Терма жамоамизнинг юриши ғалаба билан бошланди