Бокс, ЖЧ–2017: Шаҳрам Ғиёсов ҳам финалда! Қозоқ боксчиси катта устунлик билан мағлуб этилди

Германиянинг Ҳамбург шаҳрида ўтаётган AIBA шафелиги остидаги ҳар икки йилда бир марта ташкиллаштириладиган бокс бўйича жаҳон чемпионатининг яримфинал учрашувлари иккинчи куни бошланди.

52 кг.гача бўлган яримфинал жангларида ҳамюртимиз Жасурбек Латипов жанубий кореялик Ким Ин-Кюга қарши рингга кўтарилди ва 5:0 ҳисобида ғалаба қозониб, финалга йўл олганини хабар берган эдик.

69 кг.га бўлган вазн тоифасида яримфинал учрашувида Шаҳрам Ғиёсов қозоғистонлик Аблайхан Жуссуповга қарши рингга чиқди. Шаҳрамнинг тўлиқ устунлиги остида ўтган жангда у 4:1 ҳисобида ғалаба қозонди, деб ёзмоқда Кун.уз нашри.

Шаҳрам иккинчи яримфинал жуфтлиги — Аббас Барау (Германия) - Роинэл Иглесиас (Куба) ғолиби билан эртага финал жангида рингга кўтарилади.

Бугун бизни Бектемир Мелиқўзиев иштирокида яна бир жанг кутиб турибди:

81 кг. Яримфинал. 1 сентябрь. 22:45

Бектемир Мелиқўзиев (Ўзбекистон) - Жои Уорд (Ирландия)

Нариги жуфтлик:

Хулио Сезар Ла Круз (Куба) - Карлос Андрес Мина (Эквадор) «Замин» янгиликларини «Вконтакти»да кузатиб боринг