Халқаро Олимпия қўмитаси Париж ва Лос-Анжелес шаҳарларини 2024 ва 2028 йилги ёзги Олимпиадалар мезбон шаҳарлари сифатида тасдиқлади. 13 сентябрда ХОҚнинг Лимада ўтган 131-сессиясида ўйинлар ўтказилишини тақсимлаш бўйича “расмий овоз бериш” бўлиб ўтди.
Қарор бир овоздан қабул қилинди. Бўлғуси Олимпиадалар ўтадиган шаҳарлар номини ХОҚ президенти Томас Бах эълон қилди, бу вақтда унинг ёнида Париж ва Лос-Анжелес мэрлари тургандилар. Бу шаҳарлар, шунингдек, Паралимпиадани ўтказиш ҳуқуқини ҳам автоматик равишда олдилар. Шу тариқа 2024 йилги Олимпиада Парижда, 2028 йилгиси эса Лос-Анжелесда ўтадиган бўлди.
Дастлаб 2024 йилги Олимпиадани ўтказиш учун 5 та шаҳар даъвогарлик қилаётганди, бироқ финал аризаларини фақатгина Париж ва Лос-Анжелес шаҳарлари берган. Икки Олимпиаданинг пойтахтини бир вақтда қабул қилиш қарори ХОҚнинг ёздаги навбатдан ташқари сессиясида қабул қилинган ва қўмитанинг юқоридаги икки жиддий номзоддан бирортасини йўқотмаслик истаги билан шартланганди, чунки бу шаҳарлар Олимпия ҳаракатини ривожлантириш стратегияси Agenda-2020’га тўлиқ жавоб берадилар.
Бу икки шаҳардан ҳар бири Олимпиадани учинчи маротаба қабул қилади. Бунгача Парижда 1900 ва 1924 йиллардаги, Лос-Анжелесда эса 1932 ва 1984 йиллардаги Олимпиадалар ўтказилган.
Эслатиб ўтамиз, 2020 йилги Олимпиада Токиода бўлиб ўтади.
Манба: Kun.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пашинян Арманистоннинг Мустақиллик декларацияни энг катта муаммо ва фожиа деб атади
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Кремль Украина бўйича музокарада шартлар қўйишга уринмоқда
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
