Гвардиола Япония терма жамоасининг ёрдамчи мураббийи бўлади » Ўзбекистон янгиликлари – Zamin.uz

Гвардиола Япония терма жамоасининг ёрдамчи мураббийи бўлади

Спорт 8-12-2014, 22:21 1 200
Гвардиола Япония терма жамоасининг ёрдамчи мураббийи бўлади

«Бавария» бош мураббийи Хосеп Гвардиола регби бўйича Япония терма жамоаси устози Эдди Жонснинг ёрдамчиси бўлади ва жамоани келаси йили ўтказиладиган Жаҳон кубоги баҳсларига тайёрлашда кўмаклашади, дея хабар тарқатган Reuter.

Жонснинг фикрича, регби ва футболдаги интизом жуда ўхшаш бўлиб, Гвардиоланинг бу соҳадаги билими ва тажрибаси жамоани Жаҳон кубоги баҳсларига тайёрлашда қўл келади.

«Тактиканинг турлича кўринишларидан фойдаланиш кераклигини тушуниб олдик, - дейди Жонс. - Футбол шундай ўйинки, унда жуда кўп нарса ўйинга тайёргарлик жараёнида амалга оширилади. Унинг регби билан кўплаб ўхшашлик томонлари ҳам бор. Доимо энг яхшилардан ўрганиш керак, шунинг учун биз энг яхши мураббийга мурожаат қилдик. Мен Мюнхеннинг «Бавария» клубини кузатиб бордим ва тушундимки, Гвардиола мутахассис сифатида анча кучайиб бормоқда. Ундан ниманидир ўрганиш насиб қилаётганидан хурсандман», - деди у.

Регби бўйича Жаҳон кубоги 2015 йилнинг 18 сентябридан 31 октябрига қадар Англияда, 20 жамоа иштирокида ўтказилади.

Манба: www.Stadion.uz


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.