Расман: Қувасойнинг «Цементчи» футбол клуби Олий Лигада «Обод» ўрнини эгаллайдиган бўлди

  • 22 октябрь 2017, 17:06
  • 4 092
  • Спорт
  • Расман: Қувасойнинг «Цементчи» футбол клуби Олий Лигада «Обод» ўрнини эгаллайдиган бўлди
    Қувасойнинг «Цементчи» футбол клуби 2018 йилги мавсумни Ўзбекитон Олий Лигасида ўтказади, деб ёзади Дарё нашри.

    Мамлакат Биринчи Лигасида мавсум якунига 4 та тур қолган бир пайтда, Қувасой клуби 3-ўриндаги «Истиқлол»нинг ўзига ета олмаслигини таъминлаб бўлди. Жамоанинг элитага йўл олгани ҳақида ПФЛ расмий сайти ҳам маълумот тақдим этиб улгурди.

    Мазкур жамоа 30 та учрашувда майдонга тушган бўлиб, шуларнинг 23 тасида рақибларидан устунлик қилди. 4 та учрашувда «Цементчи» футболчилари дуранг натижага рози бўлди ва фақатгина 3 тасини бой берди. Ортда қолган 30 та ўйинда 85 та гол урилгани, Биринчи Лига мавсуми сермаҳсул бўлганидан далолат беради.

    «Цементчи» Олий Лигадан четлаштирилган Тошкентнинг «Обод» клуби ўрнини эгаллайди. Регламентга кўра, Биринчи Лигада пешқадам бўлган жамоа Олий Лигага тўғридан-тўғри йўлланмани ютиб олади.

    Олий Лиганинг 15-жамоаси эса чемпионатдаги ўрнини сақлаб қолиш учун қуйи лиганинг иккинчи жамоаси билан тўқнаш келади. Айни пайтда Вадим Абрамовнинг «Нефтчи» футбол клуби Олий Лигада 15-ўринни эгаллаб турибди, Биринчи Лиганинг иккинчи жамоаси эса ҳозирча «Андижон». Андижонлик футболчилар ўтган мавсум якунларига кўра элита билан хайрлашганди.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Расман: Қувасойнинг «Цементчи» футбол клуби Олий Лигада «Обод» ўрнини эгаллайдиган бўлди