Криштиану Роналду ва Жоржина Родригес футболчи шарафига уюштирилган Янги йил оқшомида иштирок этишди

Криштиану Роналду ўтиб бораётган йилда қўлга киритган мукофотларини етарлича ҳашаматли кўринишда нишонлашга қарор қилди ва ўз шарафига базм уюштирди. Тантана чоғида футболчининг барча яқинлари, жумладан севган қизи Жоржина Родригес, онаси Долорес, опалари Катя ва Эльмалар, шунингдек акаси Уго ҳам иштирок этишган.

Мазкур 2017 йил футболчи учун жуда омадли келди. Спортчи “Реал” билан биргаликда чемпионлар лигасида ғолибликка эришди, 5 бор “Олтин тўп”ни қўлга киритди ва тўртинчи бор ота бўлди.

Футболчи базм учун тўқ кўк рангли смокинг танлаган ҳолда жуда башанг кийинди, севган қизи Жоржина эса оналик бахтига эришганига кўп бўлмасдан аъло даражадаги кўринишда базм қатнашчисига айланди.

Футболчининг Инстаграм ижтимоий тармоғидаги суратларига қараб унинг оиласи чарм тўп устаси учун қанчалар муҳим ўрин тутишини тушуниб олиш қийин иш эмас, дейилади хабарда.

Эслатиб ўтамиз, куни кеча футболчи кенжа қизи суратини интернет тармоғи орқали эълон қилганди. “Замин” янгиликларини “Telegram”да кузатиб боринг