Хабарингиз бор, бир неча ҳафта олдин Ўзбекистон чемпионатининг 10 карра чемпиони Тимур Кападзе ўз фаолиятини якунлаганини расман эълон қилди. Қозоғистоннинг энг кўзга кўринган нашрларидан бири ушбу мамлакат футболида яхши из қолдирган Тимур Кападзе билан интервью уюштирди. Қозоғистонлик мухлислар ушбу футболчини яхши танишади. У ўз вақтида “Актобе”нинг ёрқин юлдузларидан бири эди.
- Тимур сиз бир неча ҳафта олдин бутсангизни михга осдингиз. Бунга нима сабаб бўлганини айта оласизми?
- Шуни айтишим лозимки, бир кун келиб ҳар бир футболчи ушбу масала билан юзма-юз келади, бугун бўлмаса, кейинги йил. Менга бу қарорни қабул қилиш, албатта, қийинчилик туғдирди, аммо ўйлашимча бу ёшга етган футболчи ўсишни тўхтатади. Биз буни тан оламизми, йўқми, бу ёшга келиб ўйинчи соғлик, тикланиш ва заҳира ўриндиғидан жой олиш каби муаммоларга дуч келади.
Мен ўз фаолиятимни яхши руҳда, яъни, Ўзбекистон чемпиони ва Кубоги соҳиби сифатида якунладим. Ҳозирда менинг олдимда мураббийлик сир-асрорларини ўрганиш турибди. Биламан бир жамоани бошқариш осон иш эмас, натижани – вақт кўрсатади.
- Қайси жамоада ўз фаолиятизни давом эттирасиз?
- Тошкентнинг “Локомотив” клуби раҳбарияти менга клубни тарк этмасилигимни ва мураббийлар штабидан бош мураббий ўринбосари лавозимини таклиф қилди. Шуни айтишим керакки, хозирда мен B ва C тоифадаги лицензияга эгаман.
- Фаолиятингизни якунлашингиз билан биргаликда ўзбек футболининг бир даври тугаётганини ҳис этяпсизми, гувоҳи бўлаётганингиздай ҳозирда ўзбек футболига тубдан ўзгартиришлар киритилмоқда. Ва бу ислоҳотлар бўйича фикрингиз бизни қизиқтиради?
- Бундай ҳис менда асло йўқ. Ислоҳотлар ҳақида ўз фикримни айтиш мен учун қийин, агар ушбу ўзгаришлар бизнинг спортни юқори даражага кўтарса, мен бағоят хурсанд бўлардим.
- Қозоғистон футболини кузатиб борасизми? “Актобе”да 3 йил фаолият олиб боргансиз, ушбу жамоадаги вазият ҳақида нима дея оласиз?
- Албатта, Қазоғистон футболи, “Актобе”га ҳам қизиқишим катта. Хабарингиз бор, охирги йилларда у жамоада катта ўзгаришлар бўлмоқда, жамоа устозлари кетма-кет алмашяпти, янги футболчилар келиб қўшилмоқда, бу омиллар, албатта, клубга катта таъсир кўрсатади. Ўйлашимча, ҳар бир жамоа ҳар томонлама барқарор бўлиши лозим. Мураббийларни кетма-кет ҳар йил алмаштириш мақсадга мувофиқ ҳаракат деб ўйламайман. Ҳар бир мутахассисга жамоага мослашиши учун вақт керак ва футболчилар ўртасида дўстона алоқа, ўзаро тушуниш юқори даражада бўлиши шартдир.
- Қозоғистон чемпионатида икки ярим мавсум ўтказганингизни қандай баҳолайсиз?
- Биласизми, натижалар бўйича баҳолай оламан. Ўша икки ярим мавсумда мен 5 турнирда юқори поғоналарни қўлга киритдим. Қозоғистон чемпионатида олтин, кумуш ва бронза, Қозоғистон Супер кубоги ва финалда ўйнаганим учун медални қўлга киритганман. Ўша даврда “Актобе” каби жамоада ўйнаганимдан ва ажойиб мухлисларнинг олқишига сазовор бўлганимдан худога шукур қиламан.
- Сиз билан бирга “Актобе”га ўтган Александр Гейнрих ҳақида нима дея оласиз, у ҳали ҳам фаолиятини тугатгани йўқ. У қачон ўз фаолиятини якунлайди?
– Бу Сашанинг ўзига, яъни жисмоний ва маънавий тайёргарилигига боғлиқ. У ажойиб футболчи, унга омад тилайман.
- Ўзбекистон ОАВдан бири ҳисобланган SPORTS.uz сайти бир неча кун олдин “Бухоро” ФК ўйинчиси Иван Нагаевнинг Қозоғистон чемпионатига кўчиб ўтиши ҳақида хабарлар тарқатган, бу ҳақида нима дея оласиз?
- Нагаевни яқиндан биламан – у тезкор ҳужумчи. Нагаев кўчиб ўтиши, албатта, унинг ўзига боғлиқ. Агар унинг ўйин услуби жамоага тўғри келса, Иван Нагаевнинг қўлидан ҳамма нарса келади.
- Ўтган куз мавсумида Ўзбекистон ва Қозоғистон терма жамоалари ўртасида ўртоқлик учрашуви бўлиб ўтиши ҳақида миш-мишлар тарқалганди. Бундай баҳс бўлиб ўтиши мумкинми?
- Бу яхши фикр деб ўйлайман. Биринчи навбатда бундай беллашувлар бизга футболимиз ўртасида алоқаларни мустаҳкамлайди. Албатта, бундай учрашувни бўлиб ўтиши мумкин, аммо буни футбол Федерациялар хоҳлаши керак.
- Қозоқистонлик мухлисларга 2018 йилга қандай тилаклар тилайсиз?
- Ҳаммага сихат-саломатлик, бахт ва омад тилайман. 2018 йил ҳаммамиз учун омадли бўлсин.
Манба: Sports.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пашинян Арманистоннинг Мустақиллик декларацияни энг катта муаммо ва фожиа деб атади
Боррел ЕИнинг Исроил билан мулоқотини тўхтатишни таклиф қилди
НАТО бош котиби Украинанинг фронтдаги аҳволи ёмонлашганини тан олди
Кремль Украина бўйича музокарада шартлар қўйишга уринмоқда
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
АҚШ Исроилнинг икки вазирига санкция қўлламоқчи
Россия армияси Купянскка киргани айтилмоқда
