Дэвид Бекхэм: “Мен ҳеч қачон тиғ остига ётмайман!”

Ушбу йилда афсонавий футболчи Дэвид Бекхэм 43 ёшни қаршилайди. Бироқ у ҳамон дунёнинг энг келишган эркакларидан бири бўлиб қолмоқда ва кўриниши борасида ҳеч қандай пластик жарроҳлик амалиётига мурожаат қилмаганини айтиб ўтган.

“Пластик жарроҳлик ҳақиқатан айрим инсонлар учун муҳим бўлиши мумкин. Мен буни ёмон демайман. Аммо гап мен ҳақимда борадиган бўлса ҳеч қачон тиғ остига ётмайман. Бунга мутлақо қизиқмайман ҳам. Қандай қариётганим менга ёқаяпти. Юзимга ҳам, бошқа тана аъзоларимга ҳам ҳеч қандай инъекциялар қилдирмайман” дейди юлдуз.

Ҳақиқатан ҳам муҳлислар футбол юлдузининг жуда чиройли тарзда қариётгани ва бу унга қандай ярашганини айтишдан чарчашмаяпти. «Замин»ни Telegram’да ўқинг!