Неймар жароҳат олиб, майдонни кўзда ёш билан тарк этди (фото)

  • 26 февраль 2018, 10:01
  • 2 604
  • Спорт
  • Неймар жароҳат олиб, майдонни кўзда ёш билан тарк этди (фото)
    «ПСЖ» ҳужумчиси Неймар Франция чемпионати 27-тури доирасида «Марсель»га қарши кечган ва 3:0 ҳисобидаги ғалаба билан тугаган ўйинда иккита голга ассистентлик қилди. Лекин у ўйин охирида жароҳат олиб, майдонни эрта тарк этишга мажбур бўлди.

    Бразилиялик футболчи рақиб яримҳимоячиси Буна Сарр билан яккакурашда оёғини ерга ноқулай қўйиши оқибатида жароҳатланди.

    Натижада уни майдонда замбилда олиб чиқиб кетишди. Бу вақтда у кўзидан ёшларини тия олмади. Парижликлар жамоаси барча алмаштиришлардан фойдаланиб бўлганди ва қолган 10 дақиқаликни 10 киши бўлиб ўтказишди.

    Эндиликда Неймар 6 март Европа чемпионлар лигаси 1/8 финалида «Реал»га қарши кечадиган жавоб учрашувини ўтказиб юбориши мумкин.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Неймар жароҳат олиб, майдонни кўзда ёш билан тарк этди (фото)