Мурод Аҳмадалиев ҳам илк рақибини илк раундда нокаутга учратди (видео)

10 март куни яна бир ўзбекистонлик чарм қўлқоп устаси Мурод Аҳмадалиев профессионал рингдаги илк жангини ўтказди.

Аҳмадалиевнинг катта боксдаги илк рақиби аргентиналик Давид Паза бўлди.

«The Real Deal Boxing» вa «Мир бокса» компаниялари томонидан ташкиллаштирилган бокс кечаси «Kings Theater» аренасида бўлиб ўтди.

Жангнинг илк сониялариданоқ Аҳмадалиев тўлиқ устунлик билан бошлади ва раунд охирига Паза унинг кучли зарбаларидан бирини ўтказиб юборди ва ҳакам нокаут эълон қилди.

Қайд этиш керакки, Паза профессионал боксда 9 та жанг ўтказиб улгурган ва шуларнинг 4 тасида ғалаба қозонганди.

Аҳмадалиев эса дебютдаёқ ғалаба қозонди.

Бундан аввалроқ «Uzbek Tigers»нинг бошқа бир вакили Шаҳрам Ғиёсов профессионал боксдаги илк жанггини ўтказиб, 5-сониядаёқ рақибини нокаутга тушириб ғалаба қозонгани хабар қилинганди.
«Замин»ни Telegram’да ўқинг!