ОЧЛ. Бугун «Локомотив» «Зоб Оҳан»га қарши ўйнайди. Ўйинга кириш чипталари бепул

Бугун, 17 апрель куни Тошкентнинг «Локомотив» жамоаси Осиё Чемпионлар Лигаси гуруҳ босқичи доирасидаги сўнгги тур ўйинини Эроннинг «Зоб Оҳан» клубига қарши ўтказади.

Ушбу ўйин «темирйўлчилар»нинг гуруҳдан чиқиши учун сўнгги имконият ҳисобланади. Учрашувда «Локомотив» ғалаба қозонсагина кейинги босқичга йўл олади. «Локомотив» жамоаси ушбу учрашувга бўлган қизиқишни ва ўйиннинг аҳамиятини ҳисобга олган ҳолда «Локомотив» — «Зоб Оҳан» ўйини чипталари 1-сектордан 7-секторгача бепул тарқатишга қарор қилди. Чипталар бир кишига 4 донадан берилади.

Чипталарни бугун соат 09:00 дан 16:00 гача бўлган вақт оралиғида «Локомотив» стадионидан олиб кетиш мумкин.

Учрашув Тошкент вақти билан 19:00 да бошланади. Беллашув Sport-TV телеканали томонидан жонли эфирда намойиш этилади.

5-турдан кейин гуруҳдаги вазият:


Осиё Чемпионлар Лигаси
«B» гуруҳи, 6-тур беллашувлари

17 апрель, сешанба
«Локомотив» — «Зоб Оҳан» 19:00 Sport-TV «Замин»ни Telegram’да ўқинг!