22:43 / 27.05.2018
3 552

Роналду: «Реал»да яна бир мавсум ўйнашимга кафолат бера олмайман

Роналду: «Реал»да яна бир мавсум ўйнашимга кафолат бера олмайман
«Реал» ҳужумчиси Криштиану Роналду ЕЧЛ финалида «Ливерпуль»га қарши кечган ва 3:1 ҳисобидаги ғалаба билан якунланган учрашувдан кейин айтган сўзларига изоҳ берди.

Финал ҳуштаги янграганидан кейин португалиялик футболчи тез орада Мадрид клубини тарк этиши мумкинлигини айтганди: «Келажагим ҳақида кейинроқ маълум қиламан. „Реал“ учун ўйнаш ёқимли бўлди, жавобимни тез кунларда айтаман».

«Ҳозир бу ҳақда гапириш учун идеал вақт эмас. Шундай бўлсада, мен бу ҳақда гапириб қўйдим. Бу тўғри эмасдир, аммо мен ростгўй бўлишга ҳаракат қилдим. Ҳафта давомида қароримни маълум қилмоқчиман, мухлислар ҳамиша мени қўллаб-қувватлашган. Улар менинг қалбимда.

Бу энг яхши вақт эмасди, аммо мен ўзимни шундай тутдим. Мен ҳамиша борини айтаман… Мен бу гапларимдан афсусда эмасман.

Гап пулда эмас. Мен 5 марта Чемпионлар лигасида ғолиб бўлдим, 5 марта «Олтин тўп»ни қўлга киритдим. Мен тарихга ўз номимни ёзиб қўйганман. Мен хафа эмасман, чунки биламанки, клубга кўп нарса бердим.

«Реал»да яна бир мавсум ўтказаманми? Ҳеч нарсага кафолат бера олмайман. Яширмайман, яқин кунларда ҳаммасини айтаман. Ҳаёт – фақат шон-шарафдан иборат эмас», — дея Роналдудан иқтибос келтирган Marca.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Роналду: «Реал»да яна бир мавсум ўйнашимга кафолат бера олмайман